قصيده رائعـه أنقلها لكم لكي تشاركوني روعتهـا والله لـولا الله وخوفـاً مـن الله
واخشى غضب ربي نزوله عليـه
واقول قولاً اكتبه وارجـع اقـراه
ويسجلـه ربـي عليـه خطـيـه
لقول مثله ماسكـن فـي حنايـاه
من خلقة ادم لين حشـر البريـه
اي والذي كمـل جمالـه وسـواه
ماداج مثله فـا الفيـاض العذيـه
والبيض والله ما نجبن في حلايـاه
ولا عاد يذكر من بعدهـا صبيـه
ولاضن به مخلوق يجمع مزايـاه
كنه منزل علـى الارض حوريـه
حوريه من خلـق ربـي ومهـداه
لاهل القلـوب العاشقـه والشقيـه
لاياعذاب الـي يشوفـه ويلاقـاه
يشوف موته كل صبـح وعشيـه
ولاّ يهيـم هيـام هايـم بدنـيـاه
مجنون مابه مـن العقـل ماريـه
ولا لوم رجلي لو سرت مع مطاياه
يسوق قلبي مثـل سـوق المطيـه
ولا لوم ليلي لو قضيتـه مـلالاه
ويلي علـى لامـه ويلـي ويليـه
يفدون ملـوك وشيـوخ وخونـداه
ويفدون اهل البشـوت الحساويـه
امـا اقتنـع ولا ترانـا عطينـاه
سقنـا مجاهيـم الجزيـره هديـه
وش عاد يبغـى دام حنـا بغينـاه
ماعـاد معـه الا يـرد العطيـه
مانجبـره لكـن حنـا طلبـنـاه
واستفـزع بجـده وعمـه وبيـه
عله يروف بحال من هـو تمنـاه
قـدام تلحقنـا سـهـوم المنـيـه
ماقول بلقا بـا الحلايـا حلايـاه
وماقول بلقا بـا الغناديـر زيـه
الزين زينـه والحكايـا حكايـاه
والنور نـوره مـن يدلـه عليـه
اليا مشى فوقـه سحابـاً تغشـاه
مرسول من ربي ضـلالاً وفيـه
ما باقـي الا يرتخـي ويتمثنـاه
حاميه من شمس النهـار اللضيـه
واليا ومره الله عليه انتثـر مـاه
يرهي رشاشه رش بليـا برديـه
يدهن جبينـه ثمـاً يطيـب رداه
ويغسل طريقاً لاسلكـه ضحويـه
على يمينه رايـه العـز والجـاه
رفرف لها سيف الشجاعه حميـه
وعلى يساره نجر دلـه ومركـاه
والعود الازرق جابلـه سامريـه
قدامه خيولـي تسابـق فرجـواه
تصهل صهيل الشوق باخر وصيه
وخلفه رفعة الصوت لا واحـلالاه
يا لزمته با الديـن وسنـه نبيـه
يالي قريت الخط حرفـه وعنـاه
افهم كلامي واحسن الضـن فيـه
والله ماشفتـه لكـنـي بطـريـاه
شرحت وضعي بين روحه وجيـه
شطراً على ايه وشطراً على آآآهـ
هاذي القضيه من يحـل القضيـه